當豆第一次同佢聯絡既時候，係仲未知幾時要嫁既，都係臨試妝前先知，哦﹗原來我要嫁既既﹗Manny都好好奇點解我未擇好日都試妝，其實係因為米豆想呢個係咁落雨既6月決定好酒席，化妝同攝影。其他野，鍾意搞就搞啦，唔鍾意就唔算。
而呢三樣野決定好，一個最簡單既婚禮就完成喇。好野﹗不過到現時豆都只係落左MUA訂，其他未實。
試妝既時候，多謝Manny既耐性，對於豆黎講，俾人化妝係一件好新奇既事，戴住自己整既頭飾更加新奇﹗另外，Manny會化左右唔同既效果比豆揀，咁就知道自己鍾意化邊類型喇。媽媽再場，睇到一半都好放心閃人。XD
而最出奇就係豆不嬲都唔識笑，但個日試妝既每一張相都笑得好甜咁既樣，真係未試過架>____<。個日化完後，突然覺得化妝係一樣好神奇既發明阿。附上圖片一張，可能有好多人覺得淡，但呢個效果豆覺得不錯，相反濃妝全個眼蓋都係一片黑色，呢D就唔夾豆喇。
豆都仲係未想正面出街，都係望住高抄先啦。 =P
- 豆字
No comments:
Post a Comment