唔洗問，三間都唔係主流既擺酒場地，因為米豆並不focus係晚宴呢一環，而且見下文詳細分析後就知原因喇。
揀1同2係因為米被佢個菜單吸引，其實兩間都係同一個集團，不過就真係唔係做開婚宴囉。
1—寶湖金宴，其實睇相個陣豆就最鍾意呢間，因為夠金色，岩哂米豆theme colour。當然實際睇喇就有多少出入啦。網評有見過新人係度擺呀江經理係十分好服務，豆媽同豆去睇場既時候都原全feel到。不過阿豆媽就唔係好鍾意呢個場，原因—
1·台上led screen係大，仲好high tech，不過用佢既時間不多，晒左﹗睇場時已見有5粒紅色盲點，企係個台就覺，坐係度就應該唔覺。不過如果係順色既圖片既話…
2·張相睇無柱，不過相既右手邊就係柱，會有幾位好似間開左咁。
3·紅色地氈好快舊，keep唔到去出年年尾仲新淨。
4·位於上環，泊車要去順德再行返過黎，留下係零車位。最多係六點後代客泊車。
5·新娘房係台上，相既右手邊，入邊空間較細。
6·新婚娘每次換衫就要行返上個台，再行返出黎。總知就係咩人要行入去都要經過個台。
7·march in要由台兜出去行完大運﹙張相既左手邊出左去﹞先行返去影相個位再入場。
不過其實個場相睇既位置都夠大放到廿圍既。柱後既位置可以用黎影相阿，candy corner阿，上菜阿…不過上菜除主家席外其他係無分菜服務。
2—寶湖北苑
呢個場睇落無影相效果差，不過都係一個唔係好方便既場
1·其實佢一出上環地鐵站就望到，係正隔離好方便，不過都係泊車既話呢…
2·其實佢個門面好靚，樓梯又靚又有水晶燈，不過就真係剛剛只能廿圍不能多。
3·場地其實都match我地金色，地氈款可以耐keep，不過係兩行咁擺席，長廳。
4·其實3唔係一個問題，但豆企左係最後影呢張相，最前面就係紅色個台，要到時搭既。
5·個新娘房係張相既台左，如果要march in，唯一就係經過哂d賓客行返到影相呢個位。
經理又係好好人啊，解答我地既問題都好nice，我諗呢d就係唔係主流場先做到既service，佢地都話係做街坊客多，就係多左份人情味囉，不過無辦法，豆爸無親身去睇，睇完3張相第一句問泊車，就已經唔要呢兩間喇。
如果咁好彩，米公主出世喇，就真係唔錯架。
3—百好宴會廳
唔洗講就梗係最後揀左呢間啦，最大原因就因為豆公，豆公老喇，已經連豆都唔係成日記得，要日日返去問佢200幾次，心情好個陣就識指住你笑嗌豆個名，心情唔好個陣fing開你隻手行左返入房訓覺。正因為米豆都怕豆公會扭計，呢個場地又近豆娘家，而將軍澳區內最靚場地，設備都已經係非佢莫熟。
1·台夠大，又有d燈光效果﹙豆真係唔要求好好喇，不過佢個幾個燈光豆就係覺得係驚喜位﹞
2·成個場都係紫色調，唔係唔好阿，不過豆米用金色咋。
3·新娘房係相既台左後面，march in係唔會經過賓客，到時相左會落哂落地間板，完全睇唔到豆由新娘房行出黎。大就唔係好大架喇，不過都ok。
4·影相位置都未企到最後，經理話夠擺30圍，米豆廿圍都會比哂我地架喇，咁我地就有多d位置用黎candy corner啊相區咁
5·經理都係幾好人，不過係開飯網既食評就話佢地服務差，米豆暫時都唔係好覺。
6·野食都幾好食，有次同米屋企去食飯都唔錯，不過大家就估係因為豆俾人認出既關係所以服務好d，態度又好d，野食又好d喎。
7·佢有分菜服務，同埋最重要安排d素菜俾食素既老人家。﹙其實寶湖都有，應該係間間都有﹞
8·其實我地要求既野佢都有架喇，不過係我地無個樣整個樣要整d野咁解o者。
9·泊車唔洗怕，因為圍住全部都係屋苑，酒樓都可以簽泊車。
當米豆仲係度諗緊揀邊間既時候，連豆公個日都突然好精靈揀呢張相，話呢個大阿，所以就揀呢度啦。
唔該哂喇咁多位。
- 豆字
No comments:
Post a Comment