大作戰第一步 - 米豆第一次行Wedding Expo

豆唔係第一次去expo，不過米係。豆都已經陪過朋友睇順便玩埋一份，以前去既時侯，問資料9成係玩。因為都唔知幾時大日子。好喇，而家真係落實喇，就好彩以前大有去問過下，大概都知道d行程。所以咪話，各位拍拖既時侯真係可以得閒入去玩下，睇下d資料，d service又係點，真係唔好以為就以為到個日，咁就真係以為喇。

事前一日豆已經係度睇緊個參展名單，刪去今次唔需要睇既booth，又mark低需要留意既booth，價錢，等等。好似做功課咁，上網search下間野，最重要唔好係黑店，唔係真係好大獲。細個做功課都無咁勤力﹗

今次既expo，多謝伴娘抽空一齊去，其實多個人真係好傾d，壯下膽嘛﹗一陣變左水魚就唔好啦﹗米就好似學生參觀展覽咁，去到好留心咁聽，一粒聲都無出過。豆呢，係咁問問問初步知道要問既問題都有問，希望唔好問漏啦。

而家最迫切係睇左酒席先，仲有big day photography，所以今次都係向呢兩方面睇既時間較長。米睇到餓到扭計添。因為米豆唔需要太多場地既dacoration，所以揀既都係細場，最好無咩掛掛到好靚，咁豆就有機會發揮小宇宙。主流既場咁靚，o者x宴呀個d都不在我地揀選之列，飛天馬車呀，旋轉舞台呀呢d呢，都係唔岩我地。

最後，而家有3強，由屋企人投票決定。

影相化妝方面，有好多好好既攝影師。不就就連豆最鍾意個個都out budget，所以唯有望下算。而家真係愈影愈貴，唉。但都已經選出各2強，試完妝後決定。

不過，真係驚險萬分，因為諗住落訂既時候，打個電話話停止服務。再經過上網查證間公司，都信得過既，就睇下試妝如何啦。

Pre Wedding方面，HK Pre Wedding有3強。不過搞掂最重要既先決定喇。

服飾方面，有auntie幫手，所以可以放2萬個心。

仲睇埋介指，米都係個句，都唔係Tiffany﹗竟然係出自係男仔口中，世界變了。

- 豆字