David Bridal盒子都唔細，不過裝住一位婚紗係咁上下架喇，要麻煩表弟返黎時帶埋佢返黎喇。唔該哂，超級感激﹗
就咁睇條裙好似好短，其實唔係呀，表弟搵左佢roommate幫手，企左上張書台上面舉高黎影架，咁你話長唔長喇，再者，其實條裙而家大豆3個碼，返到黎改都幾大工程，都要麻煩哂唔該哂姨姨喇。
- 豆字
-----------------------------------------------------------------------------------------------------------
2013年6月3日
今日最後既一篇，係要講我既The One。終於我都買左喇。終於都落實喇。但我買佢既過程真係好似坐過山車。
話說年頭見到d Size都比豆身型要細少少，呢個都唔係問題，但好似見佢唔係太多人買，所以就諗住慢慢。到有一日突然間無哂，全部轉哂大Size﹗起初諗住咁多Size唔緊要啦，無咁快賣哂既，如是者又過左一段時間。上星期見佢開始得返俾豆大兩個Size以上既Size，好啦﹗諗住叫表弟幫忙check下會唔會有細一兩個Size咁就fit哂，本來大家都諗住係過幾日問架喇，點知。就係上星期五，突然見到無左個Page，嚇到豆係咁炸表弟個whatapps同facebook，為求佢快d幫豆問到有，只要有唔理咩size都要喇﹗仲即刻trans 錢過去，希望佢第一時間買到。講起真係要唔該豆姨同豆姨丈既幫忙。
終於嚇到豆成晚唔安唔落等等等等到3點體力不支訓著左。第二朝起身見到表弟五點send message黎終於買到，7日後送去佢屋企，size係大豆3個碼。聽到時已經鬆啖氣，唔理咩size佢都可以拎返黎改架o者。
登登…而佢就係VW351026喇。佢已經經過嫲嫲既審批，到時就著住佢出嫁喇。
嫲嫲鍾意既係佢側面既幾朵小花，最欣賞既其實係佢背面既呢個一層層既弧型尾。
而家放下心頭大石，等表弟收到後SEND相我睇實物。
個個都話女仔好希望著到Vera Wang既嫁衣出嫁，主線6萬蚊起跳豆就真係買唔起，而家呢件副線仲要係減價買，仲平過香港d婚紗公司，豆已經覺得抵左同好大滿足喇。 ^_________^
註: 照片來自網上，借貼。
- 豆字
No comments:
Post a Comment