話說，o係wedding expo既時候睇中左間打電話去停止服務既photo連makeup既店—P，網評不多，但見近日facebook upload既相都唔錯，好啦﹗就信多一次咁多，去試妝先。另外，仲經媽媽仲介紹試左一個—M。
試完後，其實都唔洗揀，P化完第一個豆已經唔想再化，因為好似成熟左好多。而且佢口講既詳述同試完個妝出黎係相反，豆個陣真係好懷疑自己係咪睇錯。不過經媽媽，朋友，姊妹，米等各人睇完真身同相都有相同結論，無論佢offer幾吸引，米豆都唔會考慮了，大家都好懷疑面書d相佢地係咪PS得好勁呢？
不過媽媽講左句好厚道既說話，個妝化係我度係好普通，好似化左個濃妝咁，唔適合豆。不過，唔代表唔適合第2個人架，可能人地受得起個妝，出黎效果好好架。媽媽說得對。所以只能夠話唔適合自己。另外，需要講一件怪事，在此豆唔會公開鋪頭名， 如大家想知道可以PM我問。
起初expo時佢地都好nice咁叫我地落左訂，之後再試妝時再落一個訂，尾數係big day當日俾。呢一點無問題。
當豆打左個停止服務電話後，要求試左妝先決定，P店就話佢地公司無呢d規矩，但最後都因為豆企硬要求必須先試妝再決定，最後以500蚊試妝費先試。呢一點，暫時都仲無咩問題。
跟住都試妝當日，試完後豆話必須要返去同家人傾左先決定，佢地都仲OK俾兩日時間我，亦都寫單寫左服務內容。問題開始就出現喇，首先，落單的MUA寫試妝費為500，但幫我化妝既MUA即時說應該係1000，如非豆話打電話時問價錢係500，我諗真係要俾1000蚊了。另外呢點係同行朋友提出既，因為佢寫左服務包括時間內容等，雖然字眼上寫得都叫清楚，但內容方面好似有可坐地起價既機會，而公司戶口no.都不太清楚需問及另一位不在場既MUA，同行既朋友都對P店有所保留，不過點都好，係化妝期間有一對剛結婚既新人上黎還野，可能只真係唔適合豆而已。
豆仲未想咁快公開自己個樣，濛濛地睇住先。其實豆先廿幾歲未過30，但個妝真係有點成熟左。
另外一間試左既係MUA M，遲下再介紹下佢，佢係媽媽既客人介紹既，而且好快就去左試妝望下，感覺真係差好遠。經過陪過朋友女們試妝通常都俾MUA叫即時落訂，豆都預左最多都係俾多500，如果個MUA化得好，俾多500又有咩所謂？MUA M好nice叫我返去諗下，如果之後ok，佢有期就無問題喇。試既時候有好多頭飾可以揀，真係各位b2b搵佢既真係唔需要煩惱頭飾同首飾問題，佢真係好多好多好多。係豆鍾意自己整手作仔學左唔好晒先順便用埋。MUA M化出黎既效果都比較後生，而且用色選擇都多。
因為已經曾陪朋友睇過3個MUA，一個化得OK，但走型格路線，唔岩豆。一個化完勁閃，豆唔鍾意，仲有個都OK，但用色上唔突出。所以豆實行試岩就算唔再揀既方案，再試唔知要試多幾多個，500 500條數都係返度，咁不如一開始就搵D五星級大師包無死啦。
最後決定MUA M，朋友，米，家人都覺得效果好好，仲要係真人靚過上鏡，嘻嘻。不過MUA M係都好出名架，豆係yahoo search只係打完個英文名已經出埋佢個姓同化妝，咁大家就知佢人氣啦，同埋佢價錢真係合理。
米豆日靠你啦，唔該哂。
- 豆字
