今天一口氣打了幾篇文，最後一篇打的是我的The One二號。
如果最後我真的買了我便正正式式開文介紹它。
還記得我的The One一號，買的當時一心想著應該嬤嬤會喜歡它，怎料一句二手的就不喜歡，看都不用看，它便落選了。說實，豆到而家都未見到有一件有釘珠片的gown好似佢咁靚同手工好，相同價錢有呢個級數係無可能咁濟。
好喇，最後搵到我的The One二號係網上得知Vera Wang的副線，終於這大半年我都看著同一件婚紗，所以都幾肯定最後係佢。最重要，佢已經得到嬤嬤既審批過關。呢樣係好重要既事，我諗有好多B2B都有相同既煩惱，要滿足自己要求唔難，要滿足自己同未來老公都唔太難，但要滿足自己，未來老公，爸爸媽媽，未來老爺奶奶，屋企姨媽姑姐各叔伯兄弟，就十分困難。曾經有朋友說過，爸爸媽媽的關算易過，最麻煩的是身邊的親戚都不停地俾意見，呢樣好個樣好，呢個唔好個樣唔好。我終於深明呢個道理，而且都係一個不爭既事實。
所以，米豆而家開始採取間歇性失聰方法，聽各方的意見同時，會揀一d唔會同我地自己本身希望既婚禮有大出入既意見黎加入。米豆只能多謝各位有俾意見既各界朋友，但呢個係我倆既婚禮，最重要係我地兩個喜歡，並唔係希望只迎合別人既一場show。不勝感激。
講返豆件The One，其實都唔係咩新款，而且都預左要三千大元，又要由美國運返黎，感激將會幫忙運回來既表弟。好彩你人係美國。試都未試過其實好冒險，希望一切都順利。本來米豆對此事無乜要求都有要求起上黎，揀一條gown都用左一年既時間，其他事項都唔知點算。
都係因為呢個原因，有好多朋友都以為我地會好快進入人生既另一步，當聽到日期係兩年幾三年後既事都啞口無言，大家都話唔洗咁快預備。但就係因為米豆決定任何事都較為慢，左諗右諗一大輪，確定並無二選先實行，又想大家有更多時間預備，所以就而家開始慢慢準備，希望大日子當日能一切順利，圓圓滿滿。相信好多已結婚既朋友回想結婚當日總會有走漏眼既時候，米豆就係想將呢d既走漏眼有幾少減到幾少。所以早準備，我倆都覺得舒服好多。
另一後記能更肯定豆既The One就係呢一條既係早兩日假期既一件小事。家人聚會後大家都陪豆走到尖沙咀看婚紗，大家都俾左好多意見，呢間鋪頭好，好多人揀。個個化妝好，簡直係小鴨大變身。而豆幫左幾眼就知，婚紗不及豆心目中條The One，總每樣都欠少少，最後就完全唔係個回事。化妝就算變成幾靚既天鵝，同豆心目中係草地行禮既樣差別太大，可能香港女孩都鍾意日系化妝啦，太kawaii呢﹗
所以，係表弟由美國返黎之前米豆就會決定買唔買條The One架喇，而化妝呢，之後再算。
- 豆字
