首飾一號 - 百利Kimmy Design買首飾

今日放工之後就過咗尖沙嘴，因為豆係晏晝個陣話係百利睇到一間用施洛華奇晶石做既舖頭，仲做緊6折優惠。其實去睇下都無妨，橫掂金器又5可以就咁戴出街，5怕俾人打劫咩？
咁去到，其實比我想像中靚好多。
點解？因為係射燈底下，比專門店閃，亦睇5出係膠(其實我硬係覺得係水晶膠造出黎) 咁係半個鐘內就買咗條頸鍊同耳環，其實有幾款望落去都幾靚，可惜一戴上身，就xxyz，因為完全5襯。 另外佢去有做頭冠，即係類似香港小姐個d，不過係縮水版，阿豆就咁好正經咁戴正正中間，我即刻想笑，因為咁戴係毫無美感，一打斜少少，就襯到絕，可惜既係無做特價，所以無買。 買個套就係水滴形，著咩衫都好易襯。

- 米字


有信心保証架!!!!膠你個頭!!!

- 豆字

Daco 三 - 花花花環

自同米一齊做既木板完成左70%後，仲有個30%就係加下d花花呀，公仔呀咁。豆又去搵Miss做左第2個件裝飾物喇。

呢個感覺上相對好易整，整左都唔算太耐。超多謝Miss既耐心教導，係豆不停有選擇困難症呆企時都唔過黎伸我一腳。又剩下既30%就係中間整小雲小寶寶頭。唔知加完會點呢？豆諗住都應該仲會整2-3個做指示牌，好開心，好開心。整手作真係好開心。不過感覺上呢個好似無乜婚禮氣色，本來明明諗住Grand d黎夜晚banquet 用，而家整左出黎好田園呀﹗咁都係朝早ceremony用lu。左下角既花花，豆特別整成個心型架，不過唔知幾多人睇得出同埋到時個心心仲係唔係心心形呢=P。

多謝Miss FAFA~~如果大家要去搵Miss FAFA就要快喇，因為Miss FAFA決定結業了，如果唔係因為見到結業兩隻咁大隻字，豆都唔會咁突然一次過報咁多個班整哂想整既野。不過，豆知道有更多既人更利害，不停報班，都係為左想見多Miss FAFA幾面。

Origin Workshop
http://www.facebook.com/OriginWorkshop

- 豆字

Daco 二 - 一起去手作仔

是咁的，話說我地個party係會整兩塊牌掛係門口。 其實由構思到去實行，只係用咗幾日時間，當然所有野都係都係我老婆諗出黎，真係佩服佢！ 好喇，到咗去整個日，地點係大埔，6點半開始，個miss 俾咗兩塊木板我同佢，咁首先我地要將顏料油上去作為底色，咁為咗配合我地個主題，所以我地油到好似黃昏咁既色，亦俾人話似西灣河地鐵站咁。
油完上去就要將先頭諗好既字用釘吉位，佢係釘H同M，我就BIG WE心心ING，其實呢個字樣係我諗既，因為我想永遠都係“愛在現在進行中''，但估5至釘完，我會頭暈。因為太多字，太多釘。
第二步驟就係用顏色冷係釘同釘之間去勾勒出個字出黎，係度講由開始既6點半到而家已經用咗兩個鐘。係miss勾完個B字，我已經心寒，因為我睇到係好難既，加上我又手震，又慢，淨係個I 同G都搞到我頭都暈埋，最後miss睇到我開始放棄，咁佢就叫豆幫我搞埋佢，我個刻係好瘀，點解咁易既野我都做5好，跟著miss見我無聊就叫我去釘裝飾，好快咁搞掂。
因為中間留返位貼魔術貼貼小雲同小寶寶或者花，而阿豆個邊都完咗，去到裝飾個part，我地就用咗花邊去搞。總括黎講用咗4個鐘，但完成品又出奇咁靚。
辛苦晒阿豆

- 米字

更新- 兄弟造型一號 - Adidas 襪子

終於呢，岩岩個星期日就去買左四大PACK襪喇，共12對。跟據我地兄弟姊妹團計埋自己如無意外係8個人，所以8對綠色係夠既。但如果到時米話加人，咁就有人要著白色lu。

而最後，豆都係去返朗豪坊分店買，俾錢時呢4包已經係該店最後既stock，即係我遲d去既話就可能買唔到！！！店員話因為Adidas都係franchise形式，所以各鋪入貨唔到，唔係間間有。而如果豆仲想買既可以去Times或New Town Plaza，都係同公司既。

各位兄弟，小小心意，唔該哂，多謝哂，感激哂。

------------------------------------------------------------------------------------------------------------

2013年5月2日

經過米試著後，得出以下結論。

1. 新著無洗過都吸汗既

2. 不過洗過一次後吸汗功能倍增

3. 肥仔或小腿粗著會唔係幾舒服，因為佢個小腿橡根位都幾緊下。

4. 要買好襯手，因為行左好幾間Adidas都唔見佢既跡影

都因為咁，如果最後決定都係呢對時，米豆會洗左先俾各兄弟著既。多謝。

------------------------------------------------------------------------------------------------------------

2013年4月2日

一直，豆都好希望搵到Tiffany blue的襪子俾兄弟著，但真係搵唔到，又或者仲未係時候俾我遇到呱。早幾日就係做完yoga行街的時候，就發現呢一pack三對的襪子，感覺都唔錯，而且豆一直都鍾意Adidas，所以返屋企就同米講，搵日去睇下。最後，豆第二日都係去左買一pack返去俾米試試舒唔舒，而米又覺得ok，所以，如果米試完認為好著，豆就會買多幾pack喇。圍到40蚊多d一對，雖然算唔平，不過，慰勞當日會幫我地手既兄弟們，一對好襪子係唔少得。最多到時大家做人情做多d。多謝哂。

- 豆字

頭飾一號 - 初作小鳳凰

豆的手作癮都幾大，有時候好懷疑自己本科並唔係自己最鍾意既。

自從幫完朋友女大婚既手作之後，豆整俾自己既手作會一件接一件。

而家先POST第一件。

呢件其實係粵劇既頭飾，老師叫呢隻叫小鳳凰。完成品俾屋企人睇個個都好驚整「難」，當左佢係一件幾千萬既藝術品咁。XDDDDD

暫時佢會係送客晚裝既頭飾，又或者係影Pre-Wedding既頭飾。

講返轉頭，其實整一件呢類頭飾，係靚過出面金都買一件。（手工不良另計）不過，要花既心機，時間，精神等等都多好多，以十倍百倍去計。豆自從開始上呢個班之後，留係屋企做功課既時間愈黎愈多，去到第二份時（呢份係第一份，第2份完成後再post），差不多每日放工就返屋企做功課，一做就點幾兩點了。所以如果無咁大心機去完成既就不如現成買一件。而呢類粵劇頭飾近年都多左好多新娘採用，但係人工做一件並唔平，所以大家考慮過先決定係咪買。可以講既係單呢隻小鳳凰既料都已經三位數字，再加埋捱更抵夜…

呢個咁貴既頭飾，其實豆係在工聯會學既，學費係真係平好多啊，平過出面人地開一堂整一個小頭飾班，仲要10堂。不過料錢逐件計。你都咪話洗得小錢。老師好惡，但係學到好多野，而且仲一定要留心聽，唔係就miss左唔識整。唉﹗但係好好玩。XD

總結，如非有心機，大家都係買算，但係整到出黎既個份滿足感真係好大好大好大。

- 豆字

更新- 再見婚鞋一號 - Alice + Olivia Larimore Cutout Metallic Leather Platform Pumps

結果呢，係打呢篇既一星期後，表弟話SAKS send email俾佢話not available，呢對鞋又同我擦身而過。如果佢早d覆，係我出post既第2日我係見到佢有同一個size放過出黎架，唉﹗唯有安慰自己米無咁高，我著左高過佢唔好睇係啦。

------------------------------------------------------------------------------------------------------------

2013年4月10日

首先，豆要多謝身在美國既表弟，因為你，我竟然買到呢對高跟鞋！

故事由上星期四後繼續，豆send email去 SAKS問仲有無貨，竟然check到New York同New Orleans 仲有貨，size亦都係豆既size，各一對﹗不過呢幾日就係咁來回email，打電話去落order，結果都不成事。又話打返俾我最後無打，都唔知係佢聽錯定我講錯。基於大家雙距12個鐘既關係，豆就搵左身在美國既表弟幫手。尋日，表弟一打個電話過去就幫我訂到對鞋返黎，價錢係USD145，好感動！

米一聽到買到，唔洗原價又唔洗飛去美國又唔洗飛去米蘭，即刻話好！既然咁鐘意，買到就好喇。係啦，有d野睇中左，就搵唔到第2樣代替，價錢都合理。不過豆媽同米都話成五寸喎，行唔行到架？唯有練啦﹗我都只係會banquet先著，日頭出門著繡花鞋，証婚時著converse。

其實當打定輸數買唔到時，豆都諗住搵過第2對，但係搵極都無呢對咁優雅，就算今季Alice + Olivia 有出對同樣係laser cut既尖頭high heels，都覺得款唔係豆鐘意既。其實豆真係唔鍾意尖頭，有諗過買Christian Louboutin，Steven Madden，ALDO，但係金色既pumps，又特別既真係唔多，閃粉金色會甩粉，又想之後有機會都著多幾次，所以最後都係鍾情呢對Alice +Olivia。

呢個消息到今日豆都仲覺得好興奮。唔知實物係點，希望快d寄到俾表弟，影張相俾我望下，到時再post實物出黎。

- 豆字