見習爸媽手記五 - 游泳初體驗

初體驗的並唔係面包，係米豆。米豆第一次帶面包去游水。同行的仲有豆媽。

本來豆媽唔諗住去，不過我話大家都係去浸下水，無所謂啦，豆媽就一齊去喇。

為左同面包去游水，豆一放工9秒9去搭車返屋企換衫，最後等埋米就8點半入場。

對於小朋友真係有d夜，不過無辦法，我地就只有呢幾小時既時間同面包相處。

事前去左百貨公司買游泳尿片，三十幾蚊有三塊。都係之前去買面包超人玩具時，同店長媽媽傾談既時候知道既。本來都諗住落街買面包超人水泡，最後買唔到而買左鬆弛熊既坐坐水泡，亦都帶左面包超人浮板。

入到場面包都唔怕水行落去，不過就唔肯坐鬆弛熊，無論係深水定淺水。喊到全場都聽到。

- 深水定義係到面包條腰，淺水定義係到面包膝頭。

最後面包都係抱住玩下滑梯，周圍行下同潑下水。除左個鬆弛熊，其實佢都幾開心既。

如果下次去要買返件泳衣俾佢，仲有水袖啊，水桶玩具等等。

見習爸媽手記四 - 退朝

話說，面包比我早返到屋企。而米又去左釣魚夜歸…

我返到屋企入門個一刻，面包食住飯然後望住我嗌我。

個刻好感動啊，因為面包未試過我一入門口見到我就嗌我架！

不過…佢緊接既第二句係︰「米米呢？」

晴天霹靂啊，原來佢唔係搵我…只係搵米米…我答佢米去左釣魚夜少少返之後，佢用一個「你退下啦」既口吻講左句：「嗯。」跟住繼續食飯，眼尾都無再望下我…

好傷心啊…面包叫我退朝了。

見習爸媽手記三 - 嚎哭搵米米

呢篇新鮮滾熱辣要出左先再慢慢細數當年小時候。話說面包尋日見米米返黎，初頭都無野既，只不過過左一陣之後…因為米豆要返房執野要開床板，面包見狀就想入埋黎喇。起初，我叫佢企係門口做監督，怕佢行入黎整親佢，點知佢愈行愈入要搵房入面既米…

米就梗係叫我抱返佢出去啦，因為怕整到佢架嘛。點知當我一抱佢出廳放低轉身，佢就好似轉身射個三分波咁飛快咁跟住我，我一刪門而佢見到刪門個刻就黎料喇，係咁喊…任由咁岩上黎探我地既豆姨乙水極都係收唔到聲。

機會黎喇飛雲！米叫我拎個喼出廳時，面包一見到開門佢就衝入黎，我諗住作狀嚇下佢　「我刪門喇！」，佢竟然同我講byebye然後幫我刪門…………

最後，佢係要企係度陪住米直到佢行返出廳佢先肯行返出黎，個一刻，我真係覺得我好似第三者…

見習爸媽手記二 - 佢以為我死左?

大概係面包9個月大既時候，一個懶洋洋既下午，豆我一個人訓係張床到hea既時候，唔知面包做乜突然破聲大哭，係好傷心個隻既樣。

初時我都以為佢pupu 或者vivi 啦，因為佢到呢個時候都係未識扮野喊既。但檢查過唔係，而佢又無喊咁我就訓返底，點知呢…一訓底佢又黎過，好淒涼個隻。仲係咁用兩隻手推我肚腩同埋伏係我心口，個情景就好似d電視劇d男女主角見到對方而左係病床前個d情景…

個刻其實我唔知佢做乜，不過佢真係喊得好淒涼，我唯有起身乙水返佢，而面包見我坐返起身梗係伸手攬住我啦。

不過其實我真係唔知佢喊乜，個下佢見到d乜所以突然喊。

見習爸媽第一回 - 故事的由來

那一年，米豆仲拍緊拖，叫做準備下結婚既事既時候…

有個夜晚豆媽叫豆去灣仔有間酒樓接一個小妹妹，哦！好啦，幫下手o者。就係咁樣既第一次，豆同呢個小妹妹見面。記得對上一次照顧BB已經係已經係而家中學既表弟，個心呢刻好15 16。

去到見到呢位俾人圍住既小妹妹，佢望住幫佢換緊片既一班媽媽級，露出好幸福既微笑，好乖啊，無喊喎！

好喇！豆媽叫豆揹起揹帶揹佢出去照顧佢啦，哦！好啊！好奇妙啊！佢望住我笑啊！佢望住我笑？佢真係望住我笑喎！ 我個心其實更加17 18 19 20。

當我地兩個行到o係條街度既時候，我同佢講︰你好啊，我地做朋友啊。

我心入面好驚佢喊會俾人以為我係鴉烏婆。

然後佢好支力，未過馬路就訓著左。

我記得當時係唔敢大郁，同一定係用手抱實佢怕佢整到既。之後，米趕過黎，我地兩個望住呢粒同隻貓無分別既小妹妹，好緊張，好21 22 23 24。帶佢去食飯，帶佢去行街，原來遇見大家都有小朋友既爸媽，有一種比此加油打氣既眼神，再回望自己心愛寶貝既孩子。

當日，我有個以後都未必會再見既道別心情，所以同佢影左幾張相，佢就俾豆媽接走左喇。

佢返去搵佢既爸B媽咪。

因為有好多原因，大家都幫手照顧呢位小妹妹，米豆只係其中既一位…

呢個時候，面包只有兩個月大。

我地既願望，同佢既爸B媽咪一樣，希望佢快高長大，俾多d愛佢，希望佢聽教聽話，有一個好多人愛錫既童年，無論佢日後遇見乜野事，乜野人，都可以真誠去面對，做一個正直既人。

Checklist 二 - 距離Big Day=11個月

夾時間都唔咁岩，工作上太忙，荒廢左呢度好耐好耐，心血內潮今日想打一篇…11個月後既今日，我就正式成為陳師奶喇！！！

米豆婚禮進度表 27 December 2014
出 門 入 門
出門地點:	Harbour Grand(未book)
接新娘遊戲:	已經諗好，不過未準備好props
出門時間:	10時左右
入門時間:	10時半左右
證 婚
邀請咭:	未諗
註冊時間:	1點左右
註冊地點:	九龍仔公園
證婚律師:	Samuel Fung
賓客名單:	有draft
場地佈置:	未諗
佈置細節:	未諗
戒指枕:	未諗
結婚證書套:	未諗
食品/飲品:	銀杏會到會
結婚蛋糕:	未諗
音樂:	諗緊
晚 宴
婚宴場地:	百好宴會廳
婚宴席數:	18-22圍(未firm實)
婚宴菜單:	已定
賓客名單 :	有draft
賓客坐位安排:	有draft
囍帖及信封:	未諗
司儀:	已定
席前飲品/小食:	未諗(百好)
紅酒:	未諗(百好)
席前/進場/切蛋糕/上菜/敬酒/送客歌曲:	諗緊
敬酒杯:	已買Vera Wang
成長片段:	未諗(未必整)
佈置公司:	未諗
小遊戲:	未諗
回禮禮物:	已定
Pre-Wedding Free PW + 希臘女神
婚 禮 攝 影 錄 影: Ahgor
埸 地 佈 置
佈置公司:	未諗
主題:	未諗
Theme Color:	已定
Backdrop:	未諗
接待/相簿/油畫/蛋糕檯佈置:	未諗
Candy Corner:	未諗
DIY Menu:	未諗
DIY Table Number Card:	未諗
DIY簽名簿:	未諗
DIY簽名筆:	未諗
DIY Welcome Board:	未諗
DIY Sitting Plan Board:	未諗
化 妝 及 配 飾
新娘/媽媽/奶奶/姊妹/兄弟化妝:	Manny Ting
婚紗頭紗:	未諗
婚紗手套:	未諗
婚紗飾物:	珍珠耳環兩對 鑽石耳環一對 珍珠頸鍊一條 珍珠手鍊一條
晚裝飾物:	for 褂頭飾(已定) for march in頭飾(已定) for 敬酒頭飾(已定) for送客頭飾(已定)
結婚戒指:	De beers
金器:	媽媽搞掂
婚 紗 禮 服
新娘婚紗及鞋:	For ceremony – White by VW(已買)鞋: Converse(未買)
新娘晚裝及鞋:	欠敬酒/送客
新娘裙褂及鞋:	錦發大五福 鞋(未定)
新娘Girdle/ Nu Bra/乳貼/束褲:	未定
新郎禮服及鞋:	祥興(已造) 鞋(未定)
新郎馬褂及鞋:	已買鞋(未定)
媽咪晚裝及鞋:	媽媽準備
爸爸西裝及鞋:	爸爸準備
奶奶晚裝及鞋:	奶奶準備
老爺西裝及鞋:	老爺準備
花 品
花球公司:	Auntie幫手整
襟花/手花:	未諗
送給媽媽奶奶的花:	未諗
兄 弟 姊 妹 團
姊妹/伴娘名單:	已定
兄弟/伴郎名單:	諗緊
伴娘裙:	已定(未整)
姊妹裙及披肩:	已定(未整)
兄弟Tie:	已定(未整)
兄弟姊妹分工表:	諗緊
花 車
主花車:	已定
主花車公仔:	已買(未整衫)
28座van:	未諗
散席大巴:	未諗
喜 慶 儀 式 / 用 品
過大禮日期:	11月28
過大禮禮金:	諗緊
過大禮用品:	準備中
回禮利是封、喜字貼紙:	已買
西餅卡:	東海堂/H字頭雪糕劵
唐餅卡:	榮華
龍鳳被:	已買
新睡衣:	已買
上頭用品:	已買
新郎上頭時間:	已定
新娘上頭時間:	已定
好命婆:	未定
安床/上龍鳳被套:	未定
男女家對聯:	已買
紅傘:	已買
囍字跪墊:	已買(要加工)
敬茶茶具 :	已買
回門燒豬:	酒樓送
各式利是封:	已買
Rundown
當日Rundown:	有draft
兄弟姊妹Rundown:	有draft
主婚車 Rundown:	有draft
影相 Rundown:	有draft
其 他
開門利是:	未諗
工作人員利是:	未諗
午餐安排:	未諗
存放賀禮袋 (有鎖):	未諗
存放金器袋 (有鎖):	已買
Honeymoon
地點:	未諗

註: checklist 係網上面搵再填字，借用

- 豆字 

新郎禮服二號 - Made in 祥興

做完第一套禮服，米豆轉移左地點，去左好多好多好多人去既祥興。好多B2G，爸爸，細佬，返工人士都係度做，就連以前既官都係度做，豆返去同豆姨傾計時，豆姨話豆姨丈舊陣時都係度做。真係好西利！

米豆就膽粗粗上左去，不過，其實呢日豆辛苦到訓係度。事關豆胃炎，而咁岩米放假，咁難得既平日就梗係食左藥之後攬住個肚出去喇，因為祥興多人到平日下晝都要排隊，星期六日驚見唔到龍尾。

不過去到先記得師傅2點至3點放飯，咁米豆唯有去睇下其他野，終於就去左睇Debeers 同Tiffany介子，亦都決定買Debeers, 呢個遲下再開文講啦。

等到三點過了米豆就上去，米睇錯地圖帶左豆上第二店，係無師傅在場架！各位都記得啊，要度身就要去總點先有。而米豆上到去都有幾個係度排隊啊坐呀，等試衫，揀布，等下師傅度。所以其實米豆上到去係無人理既！最後望下個堆布版山就搵到布就去排隊度身。最後揀左一隻暗黑小格子同一隻暗紅紋。我地問唔係度身個師傅俾意見佢唔show我地。唉。明既明既。

最後都係排兩三個度身，度身個師傳還好，我地問小格子做踢死兔得唔得，佢就話禮服就梗係做全黑色啦，咁先夠尊重道嘛。所以最後就決定做件英式踢死兔用全黑布既，另外紅色暗紋就做一套中山裝。

師傅講得最多既係『著到我地既西裝你就醒目喇，做經理喇』 XD


而之後等等等電話，師傅話9月尾真係9月尾到最尾個兩日先打俾米去試殼，老鋪就係有呢度好，係會造件殼出黎先。咁米都好乖仔自己放假上左去度身，佢度完身話都好FIT下，著出黎高左，Slim左，不過想再修一d試殼師傅就話唔好喇，因為米有個小肚腩，再修會突肚喎。不過米無影試身相，不過話著出黎真係好掂，由其件紅紋中山裝，著出黎打燈超型，可以接新娘同敬酒著XD

而試殼師傅話十月中就有得拎喇。好期待呢！

- 豆字